അരീക്കോട്: ഐടിഐ യൂണിയൻ തെരഞ്ഞെടുപ്പിൽ ജില്ലയിൽ എസ്‌എഫ്‌ഐക്ക് ഉജ്വല വിജയം. ആറ് ഐടിഐകളിൽ നാലിലും എസ്എഫ്ഐ യൂണിയൻ സ്വന്തമാക്കി. മാറഞ്ചേരി ഐടിഐയിൽ മുഴുവൻ സീറ്റിലും എതിരില്ലാതെ വിജയിച്ചു. അരീക്കോട്, പുഴക്കാട്ടിരി, നിലമ്പൂർ ഐടിഐകളിൽ യൂണിയൻ നിലനിർത്തി. വാഴക്കാട് ഐടിഐയിൽ രണ്ട് സീറ്റിലും ചെറിയമുണ്ടം ഐടിഐയിൽ ഒരു സീറ്റിലും എസ്എഫ്ഐ സ്ഥാനാർഥികൾ വിജയിച്ചു. അരീക്കോട് ഐടിഐ: കെ മുഹമ്മദ്‌ ഫായിസ് (ചെയർമാൻ), സി ഫാഹിം റൂബി (ജനറൽ സെക്രട്ടറി), ടി വി അശ്വിൻ (കൗൺസിലർ), എം കെ സുബിൻദേവ്‌ (മാഗസിൻ എഡിറ്റർ), വി പി അജ്നാസ് (ജനറൽ ക്യാപ്‌റ്റൻ, ഉബൈദുള്ള (കൾച്ചറൽ സെക്രട്ടറി) എന്നിവർ വിജയിച്ചു. എസ്എഫ്ഐ സ്ഥാനാർഥികളെ വിജയിപ്പിച്ച മുഴുവൻ വിദ്യാർഥികളെയും എസ്എഫ്ഐ ജില്ലാ സെക്രട്ടറിയറ്റ് അഭിവാദ്യം ചെയ്തു.
Comments are closed.