കീഴുപറമ്പ്: വിദ്യാലയ പ്രവർത്തനങ്ങൾ രക്ഷിതാക്കളിലെത്തിക്കാനും രക്ഷിതാക്കൾക്ക് വിദ്യാലയ പ്രവർത്തനങ്ങളിൽ വേണ്ട നിർദേശങ്ങൾ സമർപ്പിക്കുന്നതിനുമായി അഞ്ചോളം സ്ഥലങ്ങളിൽ കോർണർ പിടിഎ കളുമായി കീഴുപറമ്പ് ജി.വി.എച്ച്.എസ്.എസ്. കീഴുപറമ്പ് എം.സി ഹാളിൽ നടന്ന പ്രഥമ കോർണർ പി.ടി.എ, പി.ടി.എ. പ്രസിഡണ്ട് എം.എം മുഹമ്മദ് ഉദ്ഘാടനം ചെയ്തു. ഹെഡ് മാസ്റ്റർ പി.മുസ്തഫ അധ്യക്ഷത വഹിച്ചു. എസ്.എം.സി ചെയർമാൻ ഷഫീഖ് കോട്ട, ടാലന്റ് ഹബ് ചെയർമാൻ എം.ഇ ഫസൽ, വി. ഷഹീദ് എന്നിവർ പ്രസംഗിച്ചു.
സദസ്സിൽ നിന്ന് എം. ഷംസുദ്ദീൻ, കെ.കെ. ബഷീർ, എം.കെ ഇബ്രാഹീം കുട്ടി, പി.ടി ഹർഷാദ് എന്നിവർ ക്രിയാത്മകമായ നിർദേശങ്ങൾ സമർപ്പിച്ചു. തുടർന്ന് വിദ്യാലയ ഡോക്യുമെന്ററി പ്രദർശിപ്പിച്ചു. അടുത്ത മൂന്ന് ദിവസങ്ങളിൽ എ.യു.പി.എസ് പത്തനാപുരം, കുനിയിൽ ന്യൂബസാർ, തൃക്കളയൂർ എന്നിവിടങ്ങളിൽ കോർണർ പി.ടി.എകൾ നടക്കും. പി.സുരേന്ദ്രൻ സ്വാഗതവും ടി. ഷിജി നന്ദിയും പറഞ്ഞു. അധ്യാപകരായ കെ സൈഫുദീൻ, കെ.ബാബുരാജ്, കെ. സൗബിന, എം.കെ മാജിദ, പി. നൗഷാദ്, പി.ടി.എ വൈസ് പ്രസിഡണ്ട് എ.വി സുധീർ തുടങ്ങിയവർ നേതൃത്വം നൽകി.
Comments are closed.