ആർട്ടിഫിഷ്യൽ ഇന്റലിജിൻസ് വർക്ക്‌ ഷോപ്പ് സംഘടിപ്പിച്ചു

കുനിയിൽ : കുനിയിൽ അൽ അൻവാർ സ്കൂളിൽ വിദ്യാർത്ഥികൾക്കായി ആർട്ടിഫിഷ്യൽ ഇന്റലിജൻസ് വർക്ക് ഷോപ്പ് സംഘടിപ്പിച്ചു. മദ്രാസ് ഐഐടി റിസർച്ച് പാർക്ക്, ത്രീ ജി ഐ ആർ പി എസ് ചെയർമാൻ ഷാഹിദ് ചോലയിൽ നയിച്ച വർക് ഷോപ്പ് മാനേജർ ബാവ മാസ്റ്റർ ഉദ്ഘാടനം ചെയ്തു. സ്കൂളിലെ ശാസ്ത്ര പ്രതിഭകൾക്കായി നടത്തിയ വർഷോപ്പ് കുട്ടികളിൽ ഏറെ വിസ്മയം ജനിപ്പിച്ചു. ചടങ്ങിൽ പിടിഎ പ്രസിഡണ്ട് ഗഫൂർ കുറുമാടൻ അധ്യക്ഷനായി. സ്കൂൾ ഹെഡ്മാസ്റ്റർ കെ യൂസഫ് സ്വാഗതവും ഹൈസ്കൂൾ ഹെഡ്മാസ്റ്റർ ചന്ദ്രദാസ് നന്ദിയും രേഖപ്പെടുത്തി. നാസർ പൊന്നാട്, സ്റ്റാഫ് സെക്രട്ടറി ഹമീദലി, മുസ്തഫ എന്നിവർ സംബന്ധിച്ചു.