കൊച്ചി: കാക്കനാട് ബഹുനിലക്കെട്ടിടത്തിന് തീ പിടിച്ചത് ആശങ്ക പരത്തി. പൊലീസ് സ്റ്റേഷനു സമീപത്തെ ജിയോ ഇൻഫോ പാർക്കിലെ കെട്ടിടത്തിനാണ് തീ പിടിച്ചത്. ഷോർട്ട് സർക്യൂട്ടാണ് അപകടത്തിനു കാരണമായതെന്നാണ് പ്രാഥമിക നിഗമനം. വൈകിട്ട് ആറ് മണിയോടെയാണ് തീ പടർന്നു പിടിച്ചതായി കണ്ടെത്തിയത്. ഫയർഫോഴ്സിന്‍റെ 4 യൂണിറ്റുകൾ സ്ഥലത്തെത്തി . 8മണിയോടെ തീ നിയന്ത്രണ വിധേയമായി.കെട്ടിടത്തിനുള്ളിൽ കുടുങ്ങിക്കിടന്നവരെ രക്ഷപ്പെടുത്തി.
വൈകിട്ട് 6 മണിയോടെയാണ് കെട്ടിടത്തിൽ നിന്ന് പുക ഉയരുന്നതായി കണ്ടെത്തിയത്. പൂർണമായും ചില്ലിട്ട കെട്ടിടമായതിനാൽ ചില്ല് പൊട്ടിത്തെറിച്ചത് രക്ഷാപ്രവർത്തനത്തിന് വെല്ലുവിളിയായി. രക്ഷാപ്രവർത്തനത്തിനിടെ കെട്ടിടത്തിലെ ചില്ലു വാതിൽ പൊട്ടിത്തെറിച്ച് അഗ്നി ശമന സേനാംഗത്തിന് പരുക്കേറ്റു. കെട്ടിടത്തിൽ ആരും കുടുങ്ങിക്കിടക്കുന്നില്ലെന്ന് ഉറപ്പാക്കാനായി തീ അണച്ച ഭാഗങ്ങളിൽ പരിശോധന നടത്തി. കെട്ടിടത്തിന്‍റെ ഭൂരിഭാഗവും കത്തിയമർന്നു.
Comments are closed.