എംജി ഗ്ലോസ്‌റ്റർ ബ്ലാക്ക്‌സ്‌റ്റോം ഇന്ത്യയിൽ അവതരിപ്പിച്ചു; വിലയറിയാം

എംജി ഗ്ലോസ്‌റ്റർ ബ്ലാക്ക്‌സ്‌റ്റോം 40.30 ലക്ഷം രൂപ (എക്‌സ്- ഷോറൂം) പ്രാരംഭ വിലയിൽ ഇന്ത്യയിൽ അവതരിപ്പിച്ച് എംജി മോട്ടോർ ഇന്ത്യ. ഈ സ്‌പെഷ്യൽ എഡിഷൻ മോഡൽ കറുപ്പ് നിറത്തിലും പുറമേയുള്ള ചുവന്ന ആക്‌സന്റുകളുമാണ് ലഭ്യമാവുക. എസ്‌യുവിക്ക് ലെവൽ-1 ADASഉം 4WD ഘടിപ്പിച്ച ബോർഗ്‌വാർണർ ട്രാൻസ്‌ഫർ കെയ്‌സും ഇതിലുണ്ട്.

എംജി ഗ്ലോസ്‌റ്റർ ബ്ലാക്ക്‌സ്‌റ്റോം പതിപ്പിൽ 2WD, 4WD, ഗ്ലോസ്‌റ്റർ, ഇന്റർനെറ്റ് ഇൻസൈഡ് എന്നിവയുൾപ്പെടെ മെറ്റൽ ബ്ലാക്ക്, മെറ്റൽ ആഷ് നിറങ്ങളുള്ള ചിഹ്നങ്ങളുണ്ട്. റൂഫ് റെയിലുകൾ, സ്മോക്ക്ഡ്-ബ്ലാക്ക് ടെയിൽലൈറ്റ്, വിൻഡോ സറൗണ്ട്, ഫെൻഡർ, ഫോഗ് ഗാർണിഷ് തുടങ്ങിയ ഫീച്ചറുകളാണ് ഡാർക്ക് തീം മെച്ചപ്പെടുത്തുന്നത്. ബ്ലാക്ക് തീമിലുള്ള ക്യാബിന് സ്‌റ്റിയറിംഗ് വീലിൽ ചുവന്ന ആക്‌സന്റുകളുമുണ്ട്. ചുവന്ന സ്‌റ്റിച്ചുകളുള്ള ലെതറെറ്റ് സീറ്റ് അപ്ഹോൾസ്‌റ്റാറിയും ലഭ്യമാണ്.

സ്‌റ്റാൻഡേർഡ് എംജി ഗ്ലോസ്‌റ്ററിനെപ്പോലെ ബ്ലാക്ക്‌സ്‌റ്റോം എഡിഷനും രണ്ട് എഞ്ചിൻ ഓപ്ഷനുകളുണ്ട്– 2.0-ലിറ്റർ ടർബോ ഡീസൽ (161PS/373Nm), 2.0-ലിറ്റർ ട്വിൻ-ടർബോ ഡീസൽ (215PS/478Nm) എന്നിവയാണത്. രണ്ട് എഞ്ചിനുകളും 8-സ്‌പീഡ് എ.ടി (ഓട്ടോമാറ്റിക് ട്രാൻസ്‌മിഷൻ) ഓപ്‌ഷനിൽ ലഭ്യമാകും. 2.0 ലിറ്റർ ട്വിൻ-ടർബോ ഡീസൽ മോഡലിൽ ഭൂപ്രദേശം തിരഞ്ഞെടുക്കുന്ന ഓൺ-ഡിമാൻഡ് 4WD ഫീച്ചറുകൾ ഉണ്ട്. സ്‌നോ, മഡ്, സാൻഡ്, ഇക്കോ, സ്‌പോർട്, നോർമൽ, റോക്ക് എന്നിങ്ങനെ ഏഴ് മോഡുകളുള്ള ഓൾ-ടെറൈൻ സിസ്‌റ്റമാണ് ബ്ലാക്ക്‌സ്‌റ്റോം എഡിഷനുള്ളത്.

എംജി ഗ്ലോസ്‌റ്റർ ബ്ലാക്ക്‌സ്‌റ്റോം എഡിഷന്റെ ചില ലെവൽ-1 ADAS സവിശേഷതകൾ ചുവടെ ചേർത്തിരിക്കുന്നു:

അഡാപ്റ്റീവ് ക്രൂയിസ് കൺട്രോൾ

ഓട്ടോമാറ്റിക് എമർജൻസി ബ്രേക്കിംഗ്

ഓട്ടോമാറ്റിക് പാർക്കിംഗ് അസിസ്റ്റ്

ഫോർവേഡ് കൊളീഷൻ വാർണിങ്

ലെയ്ൻ ഡിപറേച്ചർ വാർണിങ്

ബ്ലൈൻഡ് സ്പോട്ട് ഡിറ്റക്ഷൻ

വാതിൽ തുറക്കുമ്പോൾ മുന്നറിയിപ്പ്

റിയർ ക്രോസ് ട്രാഫിക് അലേർട്ട്

ലെയ്ൻ ചേഞ്ച് അസിസ്റ്റ്
ഡ്രൈവറുടെ ക്ഷീണം ഓർമ്മപ്പെടുത്തൽ സംവിധാനം

എംജി ഗ്ലോസ്‌റ്റർ ബ്ലാക്ക്‌സ്‌റ്റോം വിലകൾ താഴെ കൊടുക്കുന്നു (എക്‌സ്-ഷോറൂം)

ബ്ലാക്ക്‌സ്‌റ്റോം 6-സീറ്റർ 2WD – 40.30 ലക്ഷം രൂപ

ബ്ലാക്ക്‌സ്‌റ്റോം 7-സീറ്റർ 2WD – 40.30 ലക്ഷം രൂപ

ബ്ലാക്ക്‌സ്‌റ്റോം 6-സീറ്റർ 4WD – 43.08 ലക്ഷം രൂപ

ബ്ലാക്ക്‌സ്‌റ്റോം 7-സീറ്റർ 4WD – 43.08 ലക്ഷം രൂപ

പുതിയ ഗ്ലോസ്‌റ്റർ ബ്ലാക്ക്‌സ്‌റ്റോമിനൊപ്പം 180 വിൽപ്പനാനന്തര സേവന ഓപ്ഷനുകൾ ഉൾപ്പെടുന്ന My MG ഷീൽഡ് ഉടമസ്ഥത പാക്കേജ് എംജി വാഗ്‌ദാനം ചെയ്യുന്നു. കൂടാതെ, ഉപഭോക്താക്കൾക്ക് സ്‌റ്റാൻഡേർഡ് 3+3+3 പാക്കേജിൽ നിന്ന് പ്രയോജനം ലഭിക്കും, അതിൽ മൂന്ന് വർഷത്തെ കിലോമീറ്റർ പരിധിയില്ലാത്ത വാറന്റി , മൂന്ന് വർഷത്തെ റോഡ്സൈഡ് അസിസ്‌റ്റൻസ്, മൂന്ന് ലേബർ ഫ്രീ ആനുകാലിക സേവനങ്ങൾ എന്നിവ ഉൾപ്പെടുന്നു.