Income Tax | ഈ വരുമാനങ്ങള്‍ക്ക് നികുതി നല്‍കേണ്ടതില്ല! ആദായ നികുതി റിട്ടേണ്‍ ഫയല്‍ ചെയ്യുമ്ബോള്‍ ശ്രദ്ധിക്കാം
ന്യൂഡെല്‍ഹി: ഒരു നിശ്ചിത പരിധിക്ക് മുകളിലുള്ള വരുമാനത്തിന് നികുതി ചുമത്തുന്നു, അതിനാല്‍ എല്ലാ വര്‍ഷവും ജോലി ചെയ്യുന്നവരും മറ്റ് ആദായ നികുതിദായകരും നികുതി അടയ്‌ക്കേണ്ടതുണ്ട്.
പക്ഷേ, ചില സ്രോതസുകളില്‍ നിന്നുള്ള വരുമാനത്തിന് നികുതി ഇല്ലെന്ന് നിങ്ങള്‍ക്കറിയാമോ? ആദായനികുതി റിട്ടേണ്‍ (ITR) ഫയല്‍ ചെയ്യുമ്ബോള്‍, നികുതി ചുമത്താത്ത വരുമാന സ്രോതസുകളെക്കുറിച്ച്‌ പലര്‍ക്കും അറിവില്ല.
നിങ്ങളുടെ ഐടിആറില്‍ ഈ വരുമാനം ഉള്‍പ്പെടുത്തുന്നത് നിര്‍ബന്ധമാണ്, കാരണം ഇത് നിങ്ങളുടെ സാമ്ബത്തിക നിലയുടെ ശരിയായ തെളിവ് അധികാരികളെ കാണിക്കുകയും കിഴിവുകള്‍ ക്ലെയിം ചെയ്യാൻ സഹായിക്കുകയും ചെയ്യുന്നു. ആദായനികുതി വകുപ്പിന്റെ വെബ്‌സൈറ്റ് അനുസരിച്ച്‌ നികുതിയേതര വരുമാനങ്ങളുടെ ലിസ്റ്റ് ഇതാ.
കാര്‍ഷിക വരുമാനം
ആദായ നികുതി നിയമത്തിലെ സെക്ഷൻ 10 (1) പ്രകാരം കൃഷിയില്‍ നിന്നുള്ള വരുമാനം പൂര്‍ണമായും നികുതി രഹിതമാണ്. ഗോതമ്ബ്, അരി, പയര്‍വര്‍ഗങ്ങള്‍, പഴങ്ങള്‍ എന്നിവയുടെ ഉത്പാദനം, സംസ്കരണം, വിതരണം എന്നിവ ഇതില്‍ ഉള്‍പ്പെടുന്നു. ഇതിനുപുറമെ, കാര്‍ഷിക ആവശ്യങ്ങള്‍ക്കായി ഉപയോഗിക്കുന്ന വസ്തുവില്‍ നിന്ന് ലഭിക്കുന്ന വാടകയും നികുതി രഹിതമാണ്, കൂടാതെ കൃഷിഭൂമി വാങ്ങുന്നതിലൂടെയും വില്‍ക്കുന്നതിലൂടെയും ലഭിക്കുന്ന വരുമാനത്തിനും നികുതിയില്ല.
ബന്ധുക്കളില്‍ നിന്ന് ലഭിക്കുന്ന സമ്മാനം
ആദായനികുതി നിയമത്തിലെ സെക്ഷൻ 56 (ii) പ്രകാരം, സ്വത്തിനും ആഭരണങ്ങള്‍ക്കും ബന്ധുക്കളില്‍ നിന്ന് ലഭിക്കുന്ന പണത്തിനും നികുതിയില്ല. എന്നിരുന്നാലും, ബന്ധുക്കളല്ലാത്തവരില്‍ നിന്ന് ലഭിക്കുന്ന സമ്മാനങ്ങള്‍ 50,000 രൂപ പരിധിയില്‍ മാത്രമേ ഒഴിവാക്കൂ. ഒരു അവിഭക്ത ഹിന്ദു കുടുംബത്തില്‍ നിന്നോ (HUF) അല്ലെങ്കില്‍ അനന്തരാവകാശ രൂപത്തിലോ ലഭിക്കുന്ന വരുമാനം ആദായനികുതി നിയമത്തിലെ സെക്ഷൻ 10(2) പ്രകാരം ആദായനികുതിയുടെ പരിധിയില്‍ നിന്ന് ഒഴിവാക്കിയിരിക്കുന്നു.
ഒരു പങ്കാളിക്ക് ലഭിച്ച ലാഭത്തിന്റെ പങ്ക്
ആദായനികുതി നിയമത്തിലെ സെക്ഷൻ 10(2എ) പ്രകാരം ഒരു സ്ഥാപനത്തില്‍ നിന്ന് പങ്കാളിക്ക് ലഭിക്കുന്ന ലാഭത്തിന്റെ വിഹിതം പങ്കാളിയുടെ കൈയിലുള്ള നികുതിയില്‍ നിന്ന് ഒഴിവാക്കിയിരിക്കുന്നു.
യാത്രാ ഇളവ്
ആദായനികുതി നിയമത്തിലെ സെക്ഷൻ 10(5) പ്രകാരം ലീവ് ട്രാവല്‍ കണ്‍സഷനായി ജീവനക്കാര്‍ക്ക് ഇളവ് അവകാശപ്പെടാം. സെക്ഷൻ 10(5) പ്രകാരമുള്ള ഇളവ് എല്ലാ ജീവനക്കാര്‍ക്കും ലഭ്യമാണ്.
പെൻഷൻ
ഏതെങ്കിലും കമ്മ്യൂട്ടഡ് പെൻഷൻ, അതായത്, സഞ്ചിത പെൻഷൻ അല്ലെങ്കില്‍ ഒരു സര്‍ക്കാര്‍ ജീവനക്കാരന് ലഭിക്കുന്ന പ്രതിമാസ പെൻഷൻ എന്നിവ നികുതിയില്‍ നിന്ന് പൂര്‍ണമായും ഒഴിവാക്കിയിരിക്കുന്നു.
ഗ്രാറ്റുവിറ്റിക്കും സ്കോളര്‍ഷിപ്പിനും നികുതിയില്ല.
സര്‍ക്കാര്‍ ജീവനക്കാരന്റെ മരണത്തിനും വിരമിക്കലിനും ശേഷം ലഭിക്കുന്ന ഗ്രാറ്റുവിറ്റി പൂര്‍ണമായും നികുതി രഹിതമാണ്. 10 ലക്ഷം രൂപ വരെയുള്ള ഗ്രാറ്റുവിറ്റിയുടെ നികുതിയിളവിന്റെ ആനുകൂല്യം സ്വകാര്യ മേഖലയിലെ ജീവനക്കാര്‍ക്കും ലഭിക്കും. ആദായനികുതി നിയമം അനുസരിച്ച്‌, ഗ്രാറ്റുവിറ്റിയുടെ നികുതിയിളവും മറ്റ് പരിധികളെ ആശ്രയിച്ചിരിക്കുന്നു.
വിദ്യാര്‍ത്ഥികള്‍ക്ക് വിദ്യാഭ്യാസം പൂര്‍ത്തിയാക്കാൻ വിവിധ സ്ഥാപനങ്ങള്‍ നല്‍കുന്ന സ്‌കോളര്‍ഷിപ്പുകള്‍ നികുതി രഹിതമാണ്, മഹാവീര ചക്ര, പരമവീര ചക്ര, വീര്‍ ചക്ര തുടങ്ങിയ ധീര പുരസ്‌കാരങ്ങള്‍ നേടിയവരും മറ്റ് പെൻഷൻകാരും ലഭിക്കുന്ന പെൻഷന് നികുതി നല്‍കേണ്ടതില്ല.
കൂടാതെ, ആദായനികുതി നിയമത്തിലെ സെക്ഷൻ 10(15) പ്രകാരം, ചില സ്കീമുകളിലെ പലിശ വരുമാനം പൂര്‍ണമായും നികുതി രഹിതമാണ്. ഇതില്‍ സുകന്യ സമൃദ്ധി യോജന, ഗോള്‍ഡ് ഡെപ്പോസിറ്റ് ബോണ്ട്, ലോക്കല്‍ അതോറിറ്റി, ഇൻഫ്രാസ്ട്രക്ചര്‍ ബോണ്ട് എന്നിവയ്ക്ക് ലഭിക്കുന്ന പലിശയ്ക്ക് നികുതിയില്ല.
ഇത്തരക്കാരും നികുതി അടയ്‌ക്കേണ്ടതില്ല
* ഒരാള്‍ 60 വയസിന് താഴെയുള്ളയാളും വാര്‍ഷിക വരുമാനം 2.5 ലക്ഷം രൂപയുമാണെങ്കില്‍ നികുതി അടയ്‌ക്കേണ്ടതില്ല. ഈ പരിധി കവിയുന്ന ഒരാള്‍ ഐടിആര്‍ ഫയല്‍ ചെയ്യണം.
* ഒരു വ്യക്തി 60 വയസിന് മുകളിലും 80 വയസിന് താഴെയുമാണെങ്കില്‍, കൂടാതെ, വാര്‍ഷിക വരുമാനം മൂന്ന് ലക്ഷം രൂപയാണെങ്കിലും, ആ വ്യക്തിയെ നികുതി യില്‍ നിന്ന് ഒഴിവാക്കും.
* ഇതോടൊപ്പം, ഒരു വ്യക്തി 80 വയസിന് മുകളിലുള്ളയാളും വാര്‍ഷിക വരുമാനം അഞ്ച് ലക്ഷം രൂപയുമാണെങ്കില്‍ നികുതിയില്‍ നിന്ന് ഒഴിവാക്കും.
Comments are closed.