കെ എസ് ആർ ടി സി ബസില്‍ പെണ്‍കുട്ടിക്ക് നേരെ ലൈംഗികഅതിക്രമം
സംഭവത്തില്‍ മലപ്പുറം സ്വദേശിയായ യുവാവ് അറസ്റ്റില്‍
കെ എസ് ആര്‍ ടി സിയുടെ സ്വിഫ്റ്റ് ബസില്‍ പെണ്‍കുട്ടിക്ക് നേരെ ലൈംഗികഅതിക്രമം. സംഭവത്തില്‍ മലപ്പുറം സ്വദേശിയായ യുവാവ് അറസ്റ്റില്‍. മലപ്പുറം കോട്ടയ്ക്കല്‍ പറപ്പൂര്‍ സ്വദേശി ഹാരിസിനെയാണ് വഴിക്കടവ് പൊലീസ് അറസ്റ്റ് ചെയ്തത്. ഊട്ടിയില്‍ നിന്ന് തിരുവനന്തപുരത്തേക്ക് പുറപ്പെട്ട കെ.എസ്.ആര്‍.ടി.സി ബസിലാണ് കേസിനാസ്പദമായ സംഭവം നടന്നത്.
ഗൂഡല്ലൂരില്‍ നിന്നാണ് പ്രതി ബസില്‍ കയറിയത്. തുടര്‍ന്ന് പെണ്‍കുട്ടിയുടെ പിറകിലെ സീറ്റില്‍ ഇരുന്നു. പിന്നാലെ പെണ്‍കുട്ടിയെ ചവിട്ടുകയും ചോദ്യം ചെയ്തപ്പോള്‍ ലൈംഗികചേഷ്ടകള്‍ കാണിക്കുകയും ചെയ്തു. ഇതോടെ പെണ്‍കുട്ടി ബസ് ജീവനക്കാരോട് വിവരം പറഞ്ഞു. തുടര്‍ന്ന് ബസ് വഴിക്കടവിലെത്തിയപ്പോള്‍ പൊലീസ് പ്രതിയെ കസ്റ്റഡിയിലെടുക്കുകയായിരുന്നു. നേരത്തെ മൂന്നു കേസുകളില്‍ ഇയാള്‍ പ്രതിയാണെന്ന് പൊലീസ് പറഞ്ഞു.
Comments are closed.