അരീക്കോട്: സ്‌പോർട്സ് കൗൺസിൽ പ്രസിഡന്റായി നിയമിക്കപ്പെട്ട യു. ഷറഫലിക്ക് അരീക്കോട്ടെ സാംസ്‌കാരിക സംഘടനയായ വൈ.എം.എ.യുടെ നേതൃത്വത്തിൽ ഏറനാടൻ പൗരാവലി സ്വീകരണംനൽകി.
അരീക്കോട് ജിം ഓഡിറ്റോറിയത്തിൽ നടന്ന സ്വീകരണച്ചടങ്ങിൽ വിവിധ കായിക കൂട്ടായ്‌മകൾ ഷറഫലിയെ സ്‌നേഹോപഹാരങ്ങൾ നൽകി സ്വീകരിച്ചു. ഏറനാട്ടിലെ കായികപ്രേമികളും, അരീക്കോട്ടെ ചുമട്ടു തൊഴിലാളി കൂട്ടായ്മ, കലാ-കായിക പ്രതിഭകളും, പരിസര പ്രദേശങ്ങളിൽ നിന്നും ഉൾപ്പെടെയുള്ള ക്ലബ്ബുകളും, പുസ്തകങ്ങളും പൊന്നാടകളും സ്‌നേഹോപഹാരമായി നൽകി. മലപ്പുറം ഗവ. കോളേജ് മുൻ ഫുട്ബോൾ താരവും ജില്ലാ മുൻ പോലീസ് മേധാവിയുമായിരുന്ന യു. അബ്ദുൽകരീം ചടങ്ങ് ഉദ്ഘാടനംചെയ്തു.
മുഖ്യമന്ത്രിയുടെ, 2022-ലെ പോലീസ് മെഡൽ ജേതാവ് എം.എസ്.പി. അസിസ്റ്റന്റ് കമാൻഡന്റ് ഹബീബ് റഹ്‌മാനും ഇതേ ചടങ്ങിൽ ആദരമർപ്പിച്ചു.വൈ.എം.എ. പ്രസിസന്റ് മലിക് നാലകത്ത് അധ്യക്ഷതവഹിച്ചു. സെക്രട്ടറി അഡ്വ. ഷരീഫ്, കെ.എഫ്.എ. വൈസ് പ്രസിസന്റ് കരീം കാഞ്ഞിരാല, സമീപ പഞ്ചായത്തുകളിലെ ജനപ്രതിനിധികൾ, വിവിധ രാഷ്‌ട്രീയകക്ഷി നേതാക്കൾ തുടങ്ങിയവർ പ്രസംഗിച്ചു.
Comments are closed.