അരീക്കോട്: സംസ്ഥാന സ്പോർട്സ് കൗൺസിൽ പ്രസിഡന്റായി തിരഞ്ഞെടെക്കപ്പെട്ട യു. ഷറഫലിക്ക് സാന്റാ ഫെ യുണൈറ്റഡ് അരീക്കോടിന്റെ സ്നേഹാദരങ്ങൾ സമ്മാനിച്ചു. നാടിന്റെ അഭിമാനമായ ഇന്ത്യൻ ഫുട്ബോൾ ടീം മുൻ നായകൻ യു. ഷറഫലി സംസ്ഥാന സ്പോർട്സ് കൗൺസിൽ പ്രസിഡന്റായി നിയമിതനായത് ഏറനാടിന്റെ കായികപെരുമക്കുള്ള അംഗീകാരമാണെന്ന് ക്ലബ്ബ് ഭാരവാഹികൾ അഭിപ്രായപ്പെട്ടു. ഇന്നലെ അരീക്കോട് ജിം ഓഡിറ്റോറിയത്തിൽ വെച്ച് വൈ എം എ സംഘടിപ്പിച്ച സ്വീകരണ പരിപാടിയിൽ വെച്ച് സാന്റാ ഫെ യുണൈറ്റഡ് ക്ലബ് പ്രസിഡന്റ് സജിൽ സംസ്ഥാന സ്പോർട്സ് കൗൺസിൽ പ്രസിഡന്റ് യു. ഷറഫലിക്ക് പൊന്നാടയണിയിച്ചു. ക്ലബ് സെക്രട്ടറി തസ്ലിം, ഭാരവാഹികളായ മുനീബ്, സമീർ, നിവാസ്, ഹനീഫ എന്നിവർ പരിപാടിയിൽ പങ്കെടുത്തു.
നാടിന്റെ കായിക മേഖലക്ക് പുതിയ ഉയരങ്ങൾ കീഴടക്കാൻ യുവ പ്രതിഭകളെ വാർത്തെടുക്കുന്ന സംസ്ഥാന സ്പോർട്സ് കൗൺസിൽ പ്രസിഡന്റിന് എല്ലാവിധ ഭാവുകങ്ങളും നേരുന്നതായും ഭാരവാഹികൾ ആശംസിച്ചു.
Comments are closed.