അരീക്കോട്: ‘നാം ഇന്ത്യൻ ജനത’ എന്ന ശീർഷകത്തിൽ നടക്കുന്ന എസ് എസ് എഫ് ഗോൾഡൻ ഫിഫ്റ്റിയുടെ ഭാഗമായി യൂണിറ്റുകളിൽ നടക്കുന്ന പീപ്പിൾ കോൺഫറൻസുകൾക്ക് അരീക്കോട് ഡിവിഷനിൽ തുടക്കമായി. ചെമ്രക്കാട്ടൂർ യൂണിറ്റിൽ നടന്ന ഡിവിഷൻ തല ഉദ്ഘാടനം ജില്ലാ പഞ്ചായത്തംഗം കെ.ടി അഷ്റഫ് നിർവ്വഹിച്ചു. ഡിവിഷൻ പ്രസിഡന്റ് ഫാഇസ് സിദ്ദീഖി അധ്യക്ഷത വഹിച്ചു. എസ് വൈ എസ് ജില്ലാ ജന:സെക്രട്ടറി സി.കെ ശക്കീർ മാസ്റ്റർ അരിമ്പ്ര മുഖ്യപ്രഭാഷണം നടത്തി. ഡിസിസി ജന: സെക്രട്ടറി അജീഷ് എടാലത്ത്, ഡി വൈ എഫ് ഐ ബ്ലോക്ക് പ്രസിഡന്റ് കെ സാദിൽ, വാർഡ് മുസ്ലിം ലീഗ് പ്രസിഡന്റ് ശഫീഖ് മാനു, എസ് എസ് എഫ് ജില്ലാ സെക്രട്ടറി മുശ്താഖ് സഖാഫി പ്രസംഗിച്ചു. റാഫി കുറ്റൂളി സ്വാഗതവും റാഷിദ് കുനിയിൽ നന്ദിയും പറഞ്ഞു. വിവിധ രാഷ്ട്രീയ സാംസ്കാരിക രംഗത്തെ പ്രമുഖരെ ഉൾപ്പെടുത്തി 66 കേന്ദ്രങ്ങളിൽ പീപ്പിൾ കോൺഫറൻസ് നടക്കും.
Comments are closed.