കാവനൂർ : 800-ഓളം പായ്ക്കറ്റ് പുകയില ഉത്പന്നങ്ങളുമായി യുവാവിനെ എടവണ്ണ പോലീസ് പിടിച്ചു. കാവനൂർ തവരാപറമ്പ് അണ്ടിക്കട്ടി ചാലിൽ ഷമീറിനെയാണ് (24) പിടികൂടിയത്. ഇയാൾക്കെതിരേ കേസെടുത്തു. ചൊവ്വാഴ്ച വൈകീട്ട് ആറോടെ എടവണ്ണ -തിരുവാലി പാതയിൽ വാഹനപരിശോധന നടത്തുന്നതിനിടെയാണ് 35,000 രൂപ വിലവരുന്ന പുകയില ഉത്പന്നങ്ങൾ കാറിൽ കടത്തുകയായിരുന്ന ഇയാളെ പിടികൂടിയത്.
എടവണ്ണ എസ്.എച്ച്‌.ഒ. വി. വിജയരാജന്റെ നേതൃത്വത്തിലായിരുന്നു പരിശോധന. എടവണ്ണ, തിരുവാലി പ്രദേശങ്ങളിൽ കടകളിൽ വില്പനയ്ക്കായി കൊണ്ടുവന്നതാണിവയെന്നും മുൻപും സമാനകേസിൽ ഇയാൾ പിടിയിലായിട്ടുണ്ടെന്നും പോലീസ് പറഞ്ഞു.
Comments are closed.