അരീക്കോട്: ഇന്ന് നടക്കുന്ന അരീക്കോട് മണ്ഡലം യൂത്ത് കോൺഗ്രസ് സമ്മേളനത്തിൻ്റെ വിളംബര ബൈക്ക് റാലി ഡി.സി.സി ജന. സെക്രട്ടറി അജീഷ് എടാലത്ത് മണ്ഡലം പ്രസിഡന്റ് ഷെറിൽ കരീമിന് പതാക കൈമാറിക്കൊണ്ട് ഉദ്ഘാടനം ചെയ്തു. പി.പി മുഹമ്മദ് ഷിമില്‍, നൗഷർ കല്ലട, കെ. ഷിബിൻ ലാൽ, പുരുഷോത്തമൻ നമ്പൂതിരി, കാദർ വെള്ളരി തുടങ്ങിയവർ പങ്കെടുത്തു. സമാപന യോഗം ബ്ലോക്ക് കോൺഗ്രസ് കമ്മിറ്റി പ്രസിഡൻ്റ് എം.കെ കുഞ്ഞുമുഹമ്മദ് ഉദ്ഘാടനം ചെയ്തു.
അതേസമയം അരീക്കോട് മണ്ഡലം സമ്മേളനം ഇന്ന് വൈകിട്ട് 6ന് അഡ്വ. വി.വി പ്രകാശ് നഗറിൽ നടക്കും. കെപിസിസി വർക്കിംഗ് പ്രസിഡണ്ട് അഡ്വ. ടി. സിദ്ദീഖ് എംഎൽഎ ഉദ്ഘാടനം ചെയ്യും. ഡിസിസി പ്രസിഡൻറ് അഡ്വ. വി.എസ് ജോയ് മുഖ്യപ്രഭാഷണം നടത്തും.
Comments are closed.