പത്തനാപുരം: എയുപിഎസ് പത്തനാപുരം (പറക്കാട്) സ്കൂൾ 85ആം വാർഷികവും, ഈ അധ്യായന വർഷം ഉദ്യോഗിക ജീവിതത്തിൽ നിന്നും വിരമിക്കുന്ന അധ്യാപികമാർക്കുള്ള യാത്രയയപ്പും സംഘടിപ്പിച്ചു. വർഷങ്ങളുടെ സേവനമനുഷ്ഠിച്ച് സ്കൂളിൽ നിന്നും വിരമിക്കുന്ന എ. സുമ ടീച്ചർക്കും പ്രധാനാധ്യാപികയായിരുന്ന മീനാകുമാരി ടീച്ചർക്കുമാണ് യാത്രയയപ്പ് നൽകിയത്.
വാർഷിക പരിപാടിയിൽ നാടൻപാട്ട് കലാകാരൻ സുബ്രഹ്മണ്യൻ മുഖ്യാതിഥിയായി. അരീക്കോട് എ.ഇ.ഒ എം മുഹമ്മദ് കോയ ഉദ്ഘാടനം ചെയ്തു. ബി.പി.സി രാജേഷ് പി.ടി ആശംസകൾ അർപ്പിച്ചു സംസാരിച്ചു. പരിപാടിയുടെ ഭാഗമായി കുട്ടികളുടെ കലാപരിപാടികൾ നടന്നു. കൂടാതെ സ്കൂൾ പിടിഎ അംഗവും സംസ്ഥാന സർക്കാറിന്റെ കൃഷിവകുപ്പിന്റെ കീഴിൽ നൂതന കൃഷി രീതി പഠിക്കുന്നതിനു വേണ്ടി ഇസ്രയേൽ സന്ദർശിച്ച് വന്ന കുനിയിൽ സ്വദേശി കോലോത്തും തൊടി അബ്ദു സമദിനെ പഞ്ചായത്ത് പ്രസിഡണ്ട് വി.പി സഫിയ പൊന്നാടയിച്ച് ആദരിച്ചു.
Comments are closed.