കോട്ടയത്തു നിന്നും ഒന്നാം ക്ലാസ് വിദ്യാർത്ഥികൾ അരീക്കോട്ടേക്ക് കൂട്ടത്തോടെ കത്തെഴുതി

അരീക്കോട്: കോട്ടയം ജില്ലയിലെ ജി എൽ പി എസ് പൂഞ്ഞാറിലെ ഒന്നാം ക്ലാസ്സുകാർ നേരിൽ കണ്ടിട്ടില്ലാത്ത മലപ്പുറം ജില്ലയിലെ മൂർക്കനാട് ഗവെൺമന്റ് യു പി സ്കൂളിലെ ഒന്നാം ക്ലാസ്സുകാർക്ക് കത്തയച്ചു. ഒന്നാം ക്ലാസ്സിലെ കത്തെഴുതാം എന്ന പഠന പ്രവർത്തനം പ്രാവർത്തികമാക്കുന്നതിൻ്റെ ഭാഗമായാണ് കൂട്ടത്തോടെ കത്തെഴുതിയത്. കുട്ടികൾ പലരും പോസ്റ്റ് ഓഫീസോ ഇൻലന്റ് ലെറ്ററോ നേരിട്ട് കണ്ടിട്ടുള്ളവർ ആയിരുന്നില്ല. പലർക്കും ഇതൊരു പുതിയ അനുഭവം ആയിരുന്നു. അരീക്കോടുള്ള ജി യു പി എസ് മൂർക്കനാട് സ്കൂളിലെ അവരുടെ കൂട്ടുകാർ മറുപടി അയക്കുന്നതും പ്രതീക്ഷിച്ചു കാത്തിരിക്കുകയാണ് ഒന്നിലെ കുഞ്ഞുങ്ങൾ. അതേസമയം പോസ്റ്റ്മാൻ കത്തുകളും കൊണ്ട് സ്കൂളിലേക്ക് വരുന്നതും കാത്തിരിക്കുകയാണ് മൂർക്കനാട് യു.പി സ്കൂളിലെ ഒന്നാം ക്ലാസ് വിദ്യാർത്ഥികൾ.