അരീക്കോട്: 50 വർഷങ്ങൾ പിന്നിട്ട അരീക്കോട് ഗവണ്മെന്റ് ഐ.ടി.ഐയുടെ സുവർണ്ണ ജൂബിലി ആഘോഷങ്ങൾക്കു മുന്നോടിയായി സ്ഥാപനത്തിലെ അലുംനി അസോസിയേഷൻ യോഗം ചേർന്നു. ചടങ്ങിൽ വൈസ് പ്രിൻസിപ്പൽ ശ്രീനാഥ് പി പി അധ്യക്ഷത വഹിച്ചു. നിലവിലെ അലുമിനി പ്രസിഡന്റ് സനാഹുള്ള പി പി, സെക്രട്ടറി രാജൻ പി കെ, രവീന്ദ്രൻ, ചന്ദ്രശേഖരൻ പാമ്പാടി, കൃഷ്ണൻ, സുരേഷ് ബാബു തുടങ്ങിയവർ സംസാരിച്ചു. പരിപാടിയിൽ സ്ഥാപനത്തിന്റെ ഗോൾഡൻ ജൂബിലി ആഘോഷങ്ങൾ വിപുലമായി തന്നെ നടത്താൻ തീരുമാനമായി. അതിനുള്ള ഫണ്ട് സമാഹരണാർത്ഥം എക്സിബിഷൻ, കലാപരിപാടികൾ തുടങ്ങിയ ആയ കാര്യങ്ങൾ ചർച്ച ചെയ്യാൻ വരും ദിവസങ്ങളിൽ തന്നെ ജനപ്രതിനിധികളെയും സ്റ്റാഫ് അംഗങ്ങളെയും ഉൾപ്പെടുത്തി സ്വാഗതസംഘം രൂപീകരിക്കാനും തീരുമാനമായി. അലുമി സ്റ്റിയറിങ് കമ്മിറ്റിയംഗം വേലായുധൻ നന്ദി പറഞ്ഞു.
Comments are closed.