ചുണ്ടത്തുംപൊയിൽ യു.പി സ്കൂൾ പഠനോത്സവം നടത്തി

ഊർങ്ങാട്ടിരി: ചുണ്ടത്തുംപൊയിൽ ഗവ.യു.പി.സ്കൂളിൽ 2022-23 വർഷത്തെ പഠനോത്സവം, ഊർങ്ങാട്ടിരി പഞ്ചായത്ത് പ്രസിഡന്റ് ജിഷ.സി. വാസു ഉദ്ഘാടനം ചെയ്തു. ഉപജില്ലാ വിദ്യാഭ്യാസ ഓഫീസർ മുഹമ്മദ് കോയ .എം മുഖ്യ പ്രഭാഷണം നടത്തി. പഠന പ്രവർത്തനങ്ങളുടെ ഭാഗമായുള്ള കുട്ടികളുടെ ഉല്പന്ന പ്രദർശനം, പാഠഭാഗങ്ങളുടെ സ്കിറ്റ് അവതരണം, LSS / USS വിജയികളെയും, പാഠ്യപാഠ്യേതര മത്സര വിജയികളെയും, ദീപിക കളറിംഗ് മത്സരത്തിലെ വിജയികളെയും ആദരിക്കൽ, സ്കൂൾ കിച്ചൺ ഗാർഡൻ വിളവെടുപ്പുത്സവം എന്നിവയാൽ പഠനോത്സവം ശ്രദ്ധേയമായി.

ദീപിക ദിനപ്പത്രം ഭാരതത്തിന്റെ സ്വാതന്ത്ര്യത്തിന്റെ 75ാം വാർഷികത്തോടനുബന്ധിച്ചു നടത്തിയ കളറിംഗ് മത്സരത്തിൽ കൂടുതൽ മത്സരാർത്ഥികളെ പങ്കെടുപ്പിച്ച വിദ്യാലയങ്ങൾക്കുള്ള സമ്മാനാർഹമായ ചുണ്ടത്തുംപൊയിൽ ഗവ.യു.പി സ്കൂളിനുള്ള ട്രോഫി ഹെഡ്മിസ്ട്രസ് റെജി ഫ്രാൻസിസ് ചടങ്ങിൽ വെച്ച് ഏറ്റുവാങ്ങി. ഊർങ്ങാട്ടിരി പഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മറ്റി ചെയർപേഴ്സൺ അസ്നത്ത് കുഞ്ഞാണി, പി.ടി.എ പ്രസിഡന്റ് മുജീബ് റഹ്മാൻ, അധ്യാപകരായ പുഷ്പറാണി ജോസഫ്, സിബി ജോൺ, ഊർങ്ങാട്ടിരി അസി.കൃഷി ഓഫീസർ അനൂപ് എ.എ എന്നിവർ പ്രസംഗിച്ചു.