ഹിറ്റ് മേക്കർ ജോഷിയുടെ മകൻ അഭിലാഷ് ജോഷി സംവിധാനം ചെയ്യുന്ന പ്രേക്ഷകർ കാത്തിരിക്കുന്ന ദുൽഖർ സൽമാൻ ചിത്രം കിംഗ് ഓഫ് കൊത്ത ഓഗസ്റ്റ് 24ന് തീയേറ്ററുകളിൽ എത്തുമെന്ന് സൂചന. ഓണം റിലീസായി ഒരുങ്ങുന്ന ചിത്രത്തിന്റെ ചിത്രീകരണം കഴിഞ്ഞ ദിവസമാണ് പൂർത്തിയായത്. കിംഗ് ഓഫ് കൊത്തയുടെ ടീസർ ഉടൻ എത്തുമെന്ന് റിപ്പോർട്ടുകൾ.
കിംഗ് ഓഫ് കൊത്ത മലയാളത്തിന് പുറമെ തമിഴ് , തെലുങ്ക് , കന്നഡ, ഹിന്ദി പതിപ്പുകളിലായിട്ടാണ് ഒരുക്കുന്നത്. കേരളത്തിൽ മാത്രം ഇരുനൂറിലേറെ സ്‌ക്രീനുകളിലും, ആഗോളതലത്തിൽ ആയിരത്തിലധികം സ്‌ക്രീനുകളിലും ഒരുമിച്ച് റിലീസ് ചെയ്യാനാണ് തീരുമാനം.
കുറുപ്പിന് ശേഷം ദുൽഖർ നായകനാകുന്ന മലയാള ചിത്രമാണ് കിംഗ് ഓഫ് കൊത്ത. ചിത്രത്തിന്റെ ഫസ്റ്റ് ലുക്ക് പോസ്റ്റർ മാത്രമേ ഇതുവരെ പുറത്തുവന്നിട്ടുള്ളൂവെങ്കിലും കിംഗ് ഓഫ് കൊത്ത ഒരു മാസ്സ് ഗ്യാങ് ചിത്രമാണെന്ന പ്രതീക്ഷയിലാണ് ആരാധകർ. ഐശ്വര്യ ലക്ഷ്മിയാണ് ചിത്രത്തിലെ നായിക.
Comments are closed.