രഹസ്യ വിവരം, പരിശോധന; ഒടുവില്‍ വീട്ടുവളപ്പില്‍ കണ്ടെത്തിയത് 2 കഞ്ചാവ് ചെടികള്‍, വീട്ടുടമ അറസ്റ്റില്‍

മലപ്പുറം: മലപ്പുറം വഴിക്കടവിലാണ് വീട്ടുവളപ്പില്‍ കഞ്ചാവ് ചെടികള്‍ കണ്ടെത്തിയ സംഭവത്തില്‍ വീട്ടുടമ അറസ്റ്റില്‍.വഴിക്കടവ് പുന്നക്കല്‍ സ്വദേശി ഷൗക്കത്തലിയാണ് അറസ്റ്റിലായത്. വഴിക്കടവ് പൊലീസാണ് രഹസ്യ വിവരത്തിന്റെ അടിസ്ഥാനത്തില്‍ പുന്നക്കല്‍ സ്വദേശി ഷൗക്കത്തലിയുടെ വീട്ടില്‍ പരിശോധന നടത്തിയത്. ഇതിനിടെയാണ് രണ്ട് കഞ്ചാവ് ചെടികള്‍ വീട്ടുവളപ്പില്‍ കണ്ടെത്തിയത്. പിന്നാലെ പൊലീസ് ഷൗക്കത്തലിയെ കസ്റ്റഡിയിലെടുക്കുകയായിരുന്നു. തുടർന്ന് നടത്തിയ ചോദ്യം ചെയ്യലിലാണ് കഞ്ചാവ് ചെടികള്‍ ഇയാള്‍ നട്ടുവളർത്തിയതാണ് എന്ന് പൊലീസിന് വ്യക്തമായത്. ഷൗക്കത്തലിയുടെ അറസ്റ്റ് രേഖപ്പെടുത്തി. കഞ്ചാവ് ചെടികളും പൊലീസ് കസ്റ്റഡിയില്‍ എടുത്തിട്ടുണ്ട്.