കൊണ്ടോട്ടി വരവ് സപ്ലിമെന്റ് പ്രകാശനം ചെയ്തു

കൊണ്ടോട്ടി : കൊണ്ടോട്ടി വരവ് 2024 ആഘോഷങ്ങളുടെ ഭാഗമായി നഗരസഭയുമായി സഹകരിച്ച് കൊണ്ടോട്ടി വാർത്തക്ക് കീഴിൽ പുറത്തിറക്കിയ ‘കൊണ്ടോട്ടി വരവ് 2024’ സ്പെഷൽ സപ്ലിമെന്റ് കഴിഞ്ഞ ദിവസം (വെള്ളി) വൈകുന്നേരം 7ന് മുൻസിപൽ ചെയർപേഴ്സൺ സി ടി ഫാത്തിമത്ത് സുഹ്റ പ്രകാശനം ചെയ്തു. പ്രശസ്ത മാധ്യമപ്രവർത്തകൻ സുരേഷ് നീറാട് ഏറ്റുവാങ്ങി.

കോഴിക്കോട് കേന്ദ്രമാക്കി കഴിഞ്ഞ ഒരു പതിറ്റാണ്ടോളമായി ഒൺലൈൻ മാധ്യമ രംഗത്ത് ശക്തമായ സാന്നിധ്യമായ മെട്രോ ജേണൽ ഓൺലൈനിന് കീഴിൽ പ്രസിദ്ധീകരിക്കുന്ന മലബാർ ബിസിനസ് ആണ് മാഗസിൻ പ്രസിദ്ധീകരിച്ചിരിക്കുന്നത്. കൊണ്ടോട്ടി വരവ് പരിപാടികളുടെ മുഖ്യ വേദിയിലായിരുന്നു പ്രകാശന കർമ്മം നടന്നത്.

മുനിസിപൽ വൈസ് ചെയർമാൻ അഷ്റഫ് മടാൻ, കൊണ്ടോട്ടി വരവ് ജനറൽ കൺവീനർ അബ്ദുറഹിമാൻ ഇണ്ണി, പ്രോഗ്രാം കോ-ഓഡിനേറ്റർ സലാം തറമ്മൽ, സ്റ്റാൻ്റിങ് കമ്മിറ്റി ചെയർമാൻ മൊയ്തീൻ അലി, മെട്രോ ജേണൽ ഓൺലൈൻ മാനേജിങ് ഡയരക്ടർ സലാഹുദ്ദീൻ ഒളവട്ടൂർ, മലബാർ ബിസിനസ് മാഗസിൻ എക്സിക്യൂട്ടീവ് എഡിറ്റർ മനു റഹ്‌മാൻ, കൊണ്ടോട്ടി വാർത്ത എഡിറ്റർ മുഷ്താഖ് മുതുപറമ്പ് മറ്റു മെട്രോ ജേണൽ പ്രതിനിധികൾ ചടങ്ങിൽ പങ്കെടുത്തു.