സംസ്ഥാന സ്പോർട്സ് കൗൺസിൽ പ്രസിഡന്റായി നിയമിതനായ യു. ഷറഫലിക്ക് സ്വീകരണമൊരുക്കി തെരട്ടമ്മൽ സോക്കർ അക്കാദമി

അരീക്കോട്: സംസ്ഥാന സ്പോർട്സ് കൗൺസിൽ പ്രസിഡന്റായി നിയമിതനായ യു. ഷറഫലിക്ക് ജന്മനാട്ടിൽ സ്വീകരണമൊരുക്കി തെരട്ടമ്മൽ സോക്കർ അക്കാദമി. അക്കാദമിയിലെ കുട്ടികളുടേയും രക്ഷിതാക്കളുടേയും നാട്ടുകാരുടേയും നേതൃത്വത്തിൽ തെരട്ടമ്മൽ പഞ്ചായത്ത് ഗ്രൗണ്ടിൽ വെച്ചായിരുന്നു സ്വീകരണം.

കെ. റസാഖ് സ്വാഗതം പറഞ്ഞ പരിപാടിയിൽ ഊർങ്ങാട്ടിരി ഗ്രാമ പഞ്ചായത്ത് വൈസ് പ്രസിഡന്റ് ഷിജോ ആന്റണി, മുൻ സ്റ്റേറ്റ് ഫുട്ബോൾ താരങ്ങളായ ബഷീർ അഹമ്മദ്, സക്കീർ, നാസർ, ലത്തീഫ്, നാട്ടുകാരായ യൂസുഫ് മാസ്റ്റർ എൻ.കെ, അൻവർ ടി.പി, അസീസ് മാസ്റ്റർ, അബ്ദുറ വി.പി, ഈപ്പനു, മുനീർ എൻ.കെ, ടി.എസ്.എ രക്ഷാധികാരികളായ നജീബ് സി, ഷൗക്കത്തലി, സുനീർ, ഗീരീഷ് എന്നിവരും പങ്കെടുത്തു. ടി.എസ്.എ കോച്ച് സുനിൽബാബു നന്ദിയും പറഞ്ഞു.