അരീക്കോട്: സംസ്ഥാന സ്പോർട്സ് കൗൺസിൽ പ്രസിഡന്റായി നിയമിക്കപ്പെട്ട മുൻ ഇന്ത്യൻ ഫുട്ബോൾ ടീം ക്യാപ്റ്റനും എം.എസ്.പി. കമാൻഡന്റുമായിരുന്ന യു. ഷറഫലിക്ക് ശനിയാഴ്ച ഏറനാടിന്റെ സ്വീകരണം. വൈകുന്നേരം 4.30-ന് അരീക്കോട് വൈ.എം.എ.യുടെ നേതൃത്വത്തിൽ ജിം ഓഡിറ്റോറിയത്തിൽ സ്വീകരണച്ചടങ്ങ് നടക്കും. മുഖ്യമന്ത്രിയുടെ പോലീസ് മെഡലിന് അർഹനായ പി. ഹബീബു റഹ്‌മാനെ ചടങ്ങിൽ ആദരിക്കും. സംഘാടകസമിതി ചെയർമാൻ മലിക് നാലകത്ത്, കൺവീനർ എം.പി.ബി. ഷൗക്കത്ത്, കെ. മുഹമ്മദ് അഷ്റഫ്, അഡ്വ. കെ. മുഹമ്മദ് അഷ്റഫ്, സി. അബ്ദുൽലത്തീഫ്, കെ.വി. ജാഫർ, എം.ടി. റിഷാബുദ്ദീൻ, വി. അഷ്റഫ് എന്നിവർ പത്രസമ്മേളനത്തിൽ പങ്കെടുത്തു.
Comments are closed.