അരീക്കോട്: തെരട്ടമ്മൽ പഞ്ചായത്ത് സ്റ്റേഡിയത്തിൽ പുരോഗമിക്കുന്ന ആറാമത് സി. ജാബിർ, കെ.എം മുനീർ ജനകീയ സെവൻസ് ഫുട്ബോൾ ടൂർണ്ണമെൻ്റിൽ രണ്ടാം ക്വാർട്ടർ ഫൈനൽ ദിനമായ ഇന്ന് അൽമദീന ചെറുപ്പുളശ്ശേരി, ജിംഖാന തൃശൂരിനെ നേരിടും. പ്രസിദ്ധമായ കൊയപ്പ കൊടുവള്ളി സെവൻസിൽ ഈ സീസണിലെ കിരീടം ചൂടിയാണ് ജിംഖാന തൃശൂർ ക്വാർട്ടർ ഫൈനലിനായി തെരട്ടമ്മൽ എത്തുന്നത്. അതേസമയം വ്യാഴാഴ്ച നടന്ന ആദ്യ ക്വാർട്ടർ ഫൈനലിൽ എതിരില്ലാത്ത രണ്ടു ഗോളുകൾക്ക് കെആർഎസ് കോഴിക്കോടിനെ ഫിഫ മഞ്ചേരി പരാജയപ്പെടുത്തിയിരുന്നു. തുടർന്ന് ഒരു ദിവസത്തെ ഇടവേളയ്ക്കുശേഷം ഇന്ന് സ്റ്റേഡിയം രണ്ടാം ക്വാർട്ടർ ഫൈനലിനായി വീണ്ടും സജീവമാകും.
Comments are closed.