അന്താരാഷ്ട്ര വനിതാദിനം സുല്ലമുസ്സലാം സയൻസ് കോളേജ് എൻഎസ്എസ് യൂണിറ്റ് വിപുലമായി ആഘോഷിച്ചു

അരീക്കോട്: മാർച്ച് 8 അന്താരാഷ്ട്ര വനിതാദിനത്തിന്റെ ഭാഗമായി സുല്ലമുസ്സലാം സയൻസ് കോളേജിലെ എൻ എസ് എസ് യൂണിറ്റ് വിദ്യാർഥിനികൾക്കായി എൽ.ഇ.ഡി ബൾബ് നിർമ്മാണ പരിശീലനം സംഘടിപ്പിച്ചു. എൻഎസ്എസ് ലീഡർ യാസിൻ കെ.സി സ്വാഗതം പറഞ്ഞുകൊണ്ട് പരിപാടി ആരംഭിച്ചു. കോളേജിലെ വുമൺ എംപവർമെൻറ് സെൽ കൺവീനർ ഷബ്‌നമോൾ അധ്യക്ഷത വഹിച്ചു. നാഷണൽ ട്രെയിനറും സ്റ്റേറ്റ് ആർ പി യുമായ പരിപാടിയുടെ മുഖ്യഥിതി കെ. എം.എ മജീദ് LED ബൾബുകൾ ഉപയോഗിക്കുന്നതിന്റെ പ്രാധാന്യത്തെ കുറിച് വിദ്യാർത്ഥികളുമായി സംവദിച്ചു. തുടർന്ന് LED നിർമ്മാണ പരിശീലനം നൽകുകയുണ്ടായി.

പരിശീലന പരിപാടിയുടെ ഭാഗമായി ഓരോ വിദ്യാർത്ഥിയും രണ്ടു വീതം ബൾബുകൾ നിർമിച്ചു. എൻഎസ്എസ് ലീഡർ ബാസിലയുടെ നന്ദിയോട് കൂടി പരിപാടി അവസാനിച്ചു.