എസ് എസ് എഫ് അരീക്കോട് ഡിവിഷൻ റോഡ് മാർച്ച് നടത്തി

അരീക്കോട് : എസ് എസ് എഫ് ഗോൾഡൻ ഫിഫ്റ്റി ആഘോഷങ്ങളുടെ ഭാഗമായി അരീക്കോട് ഡിവിഷൻ കമ്മറ്റി റോഡ്‌മാർച്ച് നടത്തി. കുറ്റൂളിയിൽ നിന്ന് തുടങ്ങി സൗത്ത് പുത്തലത്ത് സമാപിച്ച പരിപാടി എസ് വൈ എസ് ജില്ലാ എക്സിക്യുട്ടീവ് അംഗം സുൽഫീക്കറലി കീഴുപറമ്പ് ഫ്ലാഗ് ഓഫ് നടത്തി. ഫാഇസ് സിദ്ദീഖി ചെമ്രക്കാട്ടൂർ, റാഫി കുറ്റൂളി, സൽമാൻ സഖാഫി റാലിക്ക് നേതൃത്വം നൽകി. പൂർവ്വ കാല നേതാക്കൾ 50 പതാകകൾ ഉയർത്തിയാണ് റാലിക്ക് സമാപനം കുറിച്ചത്. സമാപന സംഗമം എസ് വൈ എസ് മുൻ ജില്ലാ ജന:സെക്രട്ടറി വി പി എം ഇസ്ഹാഖ് മാസ്റ്റർ ഉദ്ഘാടനം ചൈതു. മുശ്താഖ് സഖാഫി വടക്കും മുറി മുഖ്യപ്രഭാഷണം നടത്തി. നജീബ് മാസ്റ്റർ കല്ലരട്ടിക്കൽ, ജാബിർ സിദ്ദീഖി, അർഷദ് അഹ്സനി സംസാരിച്ചു.